ferskir vindar

Flutti lokafyrirlesturinn í gær og það er rosalega góð tilfinning að vera búin með það. Gekk bara vel held ég og sköpuðust fjörugar umræður. Í gærkvöldi fór ég svo út að borða í gríska hverfinu með vinum og það var mjög ljúft og skemmtilegt að sitja úti í hitanum með miljón ólíka gríska rétti fyrir framan sig og kalt hvítvín. Í nótt kólnaði og, ótrúlegt en satt, það blés vindur í gegnum risíbúðina sem hreinsaði burt gufubaðsmolluna. Þvílíkur munur! Þannig að ég er glöð og kát og til í lokaslaginn, þ.e. lokartigerðina. Í dag eru ákkúrat tvær vikur þar til ég kem heim og sá tími á vafalaust eftir að líða hratt.
Bless í bili,
þ.