vorhret...

vorið kom hér víst í gær. það hefði reyndar farið framhjá okkur ef ekki hefði verið fyrir glaðlega tilkynningu frá sporvagnsstjóranum á leið okkar þórdísar frá bulldog en hann leit á það sem borgaralega skyldu sína að færa torontobúum þessi tíðindi áður en þeir yfirgáfu vagninn. hjartavermandi fordæmi um samfélagslega ábyrgð sem ég fyllist lotningu yfir. já, bara ef svona fólk hefði pólitíska stýripinnann í höndunum, þá væri gaman að lifa. eyja og kári voru í fríi úr skólanum í síðustu viku og notuðum við tímann til ýmissa skapandi starfa eins og að teikna og klippa út persónur og önnur furðudýr fyrir hreyfimynd sem við ætlum að gera með gömlu super-8 vélinni minni. krakkarnir sömdu sögu sem ég ætla að halda leyndri framá frumsýningardag og svo höfum við hjálpast að við tæknilegar útfærslur á bakgrunnum og hreyfigetu söguhetjanna. ég ætlaði þó að stelast til að setja eina ljósmynd sem eyja tók af atriði úr myndinni til að byggja upp spenning en ég finn ekki snúruna úr digital vélinni svo það bíður þess að þórdís komi heim úr skólanum. þangað til...