betra seint en aldrei...

jæja, kæru félagar. sumir hafa gerst svo kræfir að kvarta yfir óþef á vefsíðunni okkar svo ég ætla að henda inn nokkrum mölkúlum til að slá á fnykinn. í fréttum er það helst að voldugasta hryðjuverkaríki veraldarsögunar ákvað loksins að fjarlægja síðustu leifarnar af úreltu morðtólunum sínum af reykjanesskaganum! held það verði að teljast til helstu gleðigjafa í annars yfirþyrmandi skammdegi íslenskra stjórnmála undanfarin misseri. ættum þó að hafa það hugfast að ekki er sopið kálið þó í ausuna sé komið, eins og grátlega aumkunaverðar yfirlýsingar okkar svokölluðu ráðamanna bera vitni um síðustu daga. meira þunglyndið þessi net-moggi. ekki líst mér t.d. á þetta konsept að "nútímavæða varnir íslands," veit ekki hvað það þýðir en mig er farið að klæja í rassgatið. sem minnir mig á það að geir hinn harði finnst mér langflottastur af kallaklíkunni, alltaf skemmtilegt þegar elítan missir útúr sér blautu draumana sína. þetta væri auðvitað bráðfyndinn farsi að fylgjast með ef maður gæti leitt þá staðreynd hjá sér að þetta er fólkið sem rekur sjoppuna. hvaða þroskaheftu masókistar kusu annars yfir sig þetta hyski? mér þætti gaman að hitta sossum einn, þekkið þið einhvern? nú gengur náttúrulega ekki annað en klára þetta hálfnaða verk og fara með gott strokleður á varnarsamninginn, storma svo til brussel og fýra uppí nato dílnum. eru þessir glæpamenn annars ekki í brussel? ingibjörg sólrún og hægri krata flokksbræður hennar tækju það reyndar aldrei í mál enda endurnýja þeir jeppaflotann sinn reglulega með blóðristum ávísunum fyrir nefndastörf sín hjá nato, því musteri alheimsfriðar. ég gerði þau mistök um daginn að renna yfir stefnuyfirlýsingu samfylkingarinnar og hef sjaldan sofið jafn illa á eftir, mæli ekki með því fyrir viðkvæmar sálir. textinn sjálfur er reyndar verðugt rannsóknarefni fyrir málvísindafólk því ég hef aldrei séð íslenskt ritmál jafn gerilsneitt allri merkingu fyrr. öðru hverju - sennilega fyrir slysni - leynast hins vegar nokkrar vísbendingar um þankagang þessarar höfuðlausu hirðar, t.d. sú kenning að lýðræði á íslandi sé einna best varðveitt með frjálsum viðskiptum! það mætti halda að karl rove kallinn hefði komist í tölvuna hjá þeim, þetta rímar frekar óþægilega við þeoríur nýlenduherrana í hvíta húsinu þegar þeir halda því blákalt fram að friður verði best varðveittur með blóðsúthellingum. mér sýnist ekki líklegt að ýldulyktin minnki mikið við þessi skrif. gengur bara betur næst, vonum við... en nú verð ég satt best að segja að reyna að hreinsa þennan óþverra úr hausnum á mér fyrir svefninn svo ég ætla að laumast upp og stelast til að smella kossum á krakkana mína. myndir og meira bráðum... félagi orri.