Eins og í íslenskum sumarbústað...

Undanfarna tvo daga höfum við verið í kofa hér rétt utan við bæinn Taos í Nýju Mexíkó. Þetta er eiginlega alveg eins og að vera í sumarbústað á Íslandi að vori til. Það snjóaði hér í síðustu viku og í hlíðinni hér fyrir ofan má sjá restina af þeim snjó. Kofinn okkar stendur við á (ekki þó Rio Grande sem er hérna við hliðina) og krakkarnir geta hlaupið hér yfir brúnna og leikið við hundana þrjá sem búa hjá fólkinu sem rekur staðinn. Í gær grilluðum við og spiluðum svo rommí við krakkana langt fram á kvöld. Það er mjög notarlegt að vera í kofa með eldhúsi, kamínu, verönd og lækjarnið, sérstaklega eftir öll vegamótelin.