Nýjustu ferðaplön

Jæja, þá eru ferðaplönin komin nokkurn veginn á hreint. Við fljúgum frá Boston 13.maí og millilendum á Íslandi í nokkra klukkutíma áður en við höldum áfram til London. Mamma hittir okkur heima og fer með okkur Slóvakíu sem okkur finnst náttúrulega frábært. Frá London fljúgum við til Búdapest og þaðan tökum við lest til Poprad í Slóvakíu þar sem Orri byrjar á ljósmyndaverkefninu.
Við komum heim 2.júní sem þýðir að ég missi af útskrift Önnu Sóleyjar :( en Eyja nær afmæli Auðar :) Orri þarf að fara aftur út til Slóvakíu í sumar en ég og krakkarnir verðum heima. Síðan reiknum við með að fara öll til Toronto í kringum 10. ágúst.
Þannig er nú það. Endilega verið með augu og eyru opin fyrir leiguhúsnæði fyrir okkur í miðbænum.
Bless í bili, Þórdís