smá frá eyju...

hæ, þetta er eyja. kári er búinn að skrifa svo mikið að ég er í hálfum vandræðum hvað ég ætti að skrifa. mér þætti samt gaman ef einhverjir krakkar gætu skrifað mér og kára. ef þið vitið ekki netfangið er það orrdis@internet.is ég er svoldið smeik við það að fara í sundlaugar á hótelum því að þær eru oftast ísjökul kaldar, en ein hingað til hefur verið volg. ég hlakka svoldið til að fara til bandaríkjanna því þar skil ég alla og þá er líka þæginlegra að tala við einhverja vini. ég og kári tökum með okkur lærdóm, kári tók með sér skriftaræfingabók en mér finnst langbest að æfa mig bæði í dagbók og sögubók. ef þið viljið heyra söguna get ég kannski spurt pabba hvort hann gæti búið til vefsíðu með sögum því að ég held að ykkur finnist sagan mín svoldið spennandi, en ég veit það ekki. á einum veitingastað kostar vatnið 10 pesóa því að það kemur ekki hreint vatn úr vaskinum og oftast ef maður skeinir sér á klósettinu þá verður maður að láta pappírinn í rusl sem er oftast nálægt klósettinu. vill einhver af krökkunum vera svo vænn að ef hann getur beðið mömmu sína eða pabba að senda mér myndir og bréf. þá get ég kannski svarað ykkur eða eitthvað svoleiðis. allt í lagi, ég hugsa að þetta sé nógu langt í bili.
ykkar eyja.