Fullt af myndum!

Eins og þið sjáið er Ásta í heimsókn og bloggsíðan komin með 'feislift'. Hér kemur runa af myndum, einhverjar gamlar og einhverjar frá því í gær. Það hefur verið frábært að hafa Ástu hérna og við höfum bæði slappað af og leikið túrista. Leigðum bíl og keyrðum til Rochester þar sem Orit var með sýningu og það var gaman að hitta þau Ynon og Mika. Stoppuðum við Niagara. Í síðustu viku var frábært veður, sól og hiti (fór uppí 20)en í dag var grenjandi rigning og hálf kalt. Held að spáin sé sæmileg. Mér gengur ágætlega að skrifa og er ég nokkuð á áætlun þó stundum sé erfitt að vera með hugann við ritgerðasmíð. En nú er svo stutt eftir.

Takið sérstaklega eftir þessu ótrúlega gallasamfestinga pari á myndunum sem hér koma á eftir. Ástu fannst voða fyndið að setja inn myndina af okkur við bílinn en ég er viss um að Ford býður okkur samning - þá á ég að sjálfsögðu bæði við bílaframleiðandann og módelskrifstofuna.
Erum við ekki að lúkka?
þ.